Vanþroski kallast þetta nú...

Þetta hlýtur að vera óhamingjusamt sem fengið hefur misjafnt uppeldi. Lengi býr að fyrstu gerð, það vita allir. Þetta er sorglegt en staðreynd eigi að síður.

En það eru til úrræði fyrir fólk með slíkan brenglaðan hugsanagang.

Tjáningarfrelsi er eitt að því sem einkennir siðmenntað þjóðfélag en það kallast ekki tjáningarfrelsi þegar það sem ritað eða sagt er særir eða meiðir náungann.

Það verður trúlegast erfitt að loka fyrir leiðindi sem þetta. Huggun er harmi gegn er að það er bara fólk sem er svipað ástatt er um sem fer á svona síður. Almenningur brosir og vorkennir svona fólki. Sjáið t.d. allar samsærissíðurnar um heimsyfirráð , heimsendasíðurnar, geimverusíðurnar og feminístasíðurnar.

Við skulum því hunsa þetta og láta ekki fari í taugarnar á okkur. Byggjum upp þjóðfélag þar sem náungakærleikur er hafður að leiðarljósi.

Rannsókn hafin á kynþáttanetsíðu

Keyra fullur og drepa mann á útsöluprís....!

Það er orðið ansi ódýrt að keyra fullur og drepa mann, ég verð að segja það...maður spyr sig hvernig hefði dómurinn orðið ef sá sem lést hefði verið íslendingur?

Fangelsi fyrir gáleysislegan akstur

Íslenskir unglingar misnotaðir til áfengisauglýsinga!

Ég ætla að segja smá ör-sögu af græðgi og siðblindu.

Ég á börn í skóla, fleiri en eitt reyndar.
Það elsta er komið í menntaskóla og fer á skólaböll eins og lífsglaðir krakkar gera til að skemmta sér. En á þessum skólaböllum eru greinilega fleiri en nemendurnir og kennararnir. Ljósmyndarar frá heimasíðunni pose.is smokra sér þar inn, taka myndir af krökkunum (án þeirra leyfis) og setja þessar myndir síðan á heimasíðuna sína til þess eins að græða á því. Græða á því? Hvað meinar maðurinn, gætir þú sagt. Jú, því þessar myndir eru seldar undir áfengisauglýsingar. Sem dæmi skal nefnt að auglýsingar þessar eru gjarnan í öllum hornum myndanna og í þessu tilviki eru 3 af 4 auglýsinganna áfengisauglýsingar. Þegar ég skrifa áfengisauglýsingar þá á ég ekki við nafn á bjórtegund með orðinu léttbjór í míkróletri, ónei. Hér er ekki verið að pukrast með þetta hendur auglýst stórum stöfum Beefeater Premium Gin, Smirnoff og Jägermeister. Á myndinni eru síðan unglingarnir í svaka fjöri. Ekki spurðir um hvort þeir vilji: 1) Láta taka af sér mynd fyrir pose.is, 2) Auglýsa vörur ókeypis, 3) Gerast lögbrjótar með því að auglýsa áfengi.
Ofan á allt saman eru lang fæstir þessara unglinga með aldur til að kaupa áfengi. Síðan þegar krakkarnir skoða þessar myndir af sér og öðrum í svaka stuði er allt í kring verið að gefa í skyn að ástæðan fyrir því að svona gaman sé vegna þess að viðkomandi áfengistegundir séu hafðar um hönd. Skilaboðin eru skýr.
En af hverju skyldu nú áfengisinnflytjendur sjá sér hag í að auglýsa á þessari síðu? Jú auðvitað til að krakkarnir (sem eru enn jafn gamlir og þeir voru hér fyrr í greininni) kaupi þetta áfengi. Þeir eru sem sé að biðla til krakkanna sem hafa ekki aldur til að kaupa áfengi að gera það nú samt. Hvatning til lögbrots heitir það, er það ekki?
Tekið skal fram að öll áfengisneysla er að sjálfsögðu stranglega bönnuð á þessum skólaböllum og hefur ekkert vandamál verið með það.
Hvað skyldi nú kosta að auglýsa þar sem svona stóran og stæðilegan markhóp er að finna? Það liggur ljóst fyrir. Svo vitnað sé beint í heimasíðuna pose.is: "Watermark á öllum myndum er verðsett á 65.000 kr + vsk (miðast við tíu aura á flettingu) per mánuð". Hér er því um verulegar tekjur að ræða fyrir 2 Global ehf. sem rekur þessa síðu og einnig síðurnar 69.is, leikjaland.is og tveir.is en sú síða tengist við Fazmo sem var mikið umfjallað í fjölmiðlum fyrir nokkru. Séu teknar 300 myndir og hver mynd fær t.d. 500 skoðanir pr. mánuð gerir þetta 15,000 krónur pr. mánuð. Bara fyrir flettingar. Áfengisauglýsingin sjálf kostar síðan þessar 65,000.- Þetta eru verð fyrir utan virðisaukaskatt. Hér er því feit gullnáma. Siðferði þessara manna er ekkert.

Ég hef talað við Lögregluna sem vísar á Persónuvernd sem vísar á Umboðsmann barna sem vísar síðan á Neytendastofu. Allir eru sammála um að þetta sé verulega ógeðfellt en ekki virðist vera mikið um athafnir. Hvílíkur aumingjasakapur! Allir eru sammála um að þetta er lögbrot en samt er ekkert aðhafst. Ætli öðruvísi sé tekið á lögbrotum sem framin eru á netinu en í dagblöðum eða á skiltum og plaggötum?
Ég trúi því ekki að jón sé ekki sá sami og sér jón, frekar að dugleysi eða frekar ráðaleysi embætismanna sé um að kenna. En það er engin afsökun!

Það er lögreglan sem á að taka á lögbrotum. Það mun að sjálfsögðu draga verulega úr trausti almennings ef svona gróf lögbrot eru látin viðgangast á unglingum Íslands. En þetta eru bara krakkar, er ekki öllum sama....?

Var hann ekki líka að tala til íslenskra sorpblaðakónga?

Hvernig skyldu menn bregðast við þar á bæ? Já, eða femínistar! Þar eru víst verstu klámtíkurnar sýnist mér á skrifum í blöðum og bloggum.

 

Páfinn biður fjölmiðla að bera virðingu fyrir fólki

Hver er munurinn á Í-i og I-i?

Vonandi hefur Geir athugað það að það er vísað í heimasíðuna ísland.is með Í-i en ef smellt er á tengilinn í fréttinni lendir maður á síðunni island.is með I-i

Margur myndi segja að þetta væri nú það sama en ekki aldeilis.

Síðan ísland.is með Í-i er síða fyrirtækisins Netvistunar ehf.
Síðan island.is með I-i  er hins vegar  síðans hans Geirs.

Þjónustuveitan Ísland.is opnuð

Ný plata frá Bjork á leiðinni

Ég samglest henni með nýju plötuna. 

Segir hún að vinnsluaðferðir við þessa nýju plötu hafi verið aðrar en hinna fyrri. Sem dæmi nefnir hún að vinnsluaðferðir við plötuna “Vespertine hafi borið þess merki að hún hafi skömmu áður eignast fyrstu fartölvuna og því einkenni smellir og hvísl plötuna, túlkun hennar á  stöðurafmagnsheimi netsins”, svo vitnað sé beint í Bjork. Ahh, ekki klikkar hún frekar en fyrri daginn, en skyldi hún vera hætt að taka lyfin sín? Hvísl og smell sem einkenna stöðurafmagn netsins! Hólímólí segi ég nú bara í heimi þar sem ekki er öll vitleysan eins og vitleysingarnir sömuleiðis. Hún segist vilja gera tónlist með takti. Við bíðum spennt eftir því en ekki gleyma laglínunni!

Björk saknaði hrynjandinnar

Alltof milt tekið á hraðakstri!

Mér er greinilega heitt í hamsi varðandi alla þessa ökufanta og fávita sem ganga lausir í umferðinni í dag.

Sá ég grein í Mogga í dag þar sem segir að Lögreglan hafi stöðvað 17 ára strák á mánudagskvöldið í Hafnarfirði á 148 km. hraða og að hann hafi rétt áður verið tekinn hraðakstur á Kringlumýrarbrautinni.

Nú á hann yfir höfði sér tveggja mánaða ökuleyfismissi! Hvað er að gerast? Tveggja mánaða! Eftir að hafa keyrt eins og fáviti tvisvar sinnum nýkomin með ökuréttindi? Það á að taka miklu harðar á brotum þeirra sem nýkomnir eru með ökuréttindi og senda þannig með því skýr skilaboð. Eitt ár vil ég sjá. Við höfum ekkert að gera með svona vanþroska fólk í umferðinni, nóg er hún erfið samt.

En það er annað þessum máli skylt sem ég vil einnig minnast á.
Skyldi einhver hafa athugað hvort það sé hægt að sjá tengingu milli þeirra er brjóta svona oft og heimskulega af sér í umferðinni og hjá hvaða ökukennara þeir lærðu fræðin?

Fullur og vitlaus á flutningabíl

Í Fréttablaðinu í dag er lítil frétt um ökuníðing um sextugt sem var tekinn fullur í Mosfellssveitinni á stórum flutningabíl með 40 feta gám á tengivagni!

Hvað skyldi þessi kújón hafa getað drepið marga í einu með einu sopa? Svona farartæki er örugglega á annan tug tonna að þyngd.

Ég vona að þessi missi ökuprófið ævilangt.  Svei.

Gáfumenni handsamað!

Hér hefur verið á ferðinni einn af þeim sem munu landið erfa.

Hvernig er það eigilega með svona menn, maður spyr sig hvort menn þyrftu ekki einnig að taka greindarpróf áður en þeir fá ökuréttindi...

 Ég hef mikið spáð í af hverju menn kaupa sér radarvara.
Sumir kaupa hann ef til vill á forsendum sem  þessi snillingur. Er það ekki augljóst að þegar radarvarinn "sér" radar lögreglunnar er radarinn líka búinn að "sjá" bílinn og mæla hraða hans? Og þá eru menn þokkalega búnir að pissa í skóinn sinn. Ef radarvarinn gæti numið geisla radars lögreglunnar áður en radarinn mælir hraða ökuníðingsins kemur upp sú staða að verið er að selja tæki sem hjálpa til við lögbrot. Þannig búnað ætti að banna skilyrðislaust. 

Vonandi læra menn af þessu. 

Vill fá endurgreiddan radarvarann vegna hraðaksturssektar

Pólskir og Barnaverndarstofa taka höndum saman og styrkja unglinga!

Ég sá ótrúlega frétt í Mogga í dag.

Þar er fjallað um pólskan arkitekt sem fann mikið til með unglingum í meðferð hjá Götusmiðjunni því þeir höfðu enga almennilega aðstöðu til reykinga. (Allir viljum við jú styrkja reykingar ekki satt?)

Pawel hinn pólski skundar því austur ásamt fríðu föruneyti landa sinna, en þeir þykja manna öflugastir í smíðum og "unnu baki brotnu" við að koma upp almennilegri aðstöðu til þessara þarfaverka. „Ég hef lengi unnið við hvers kyns sjálfboðastarf í þágu ungs fólks og eftir sjö mánaða dvöl hér á landi langaði mig að láta eitthvað gott af mér leiða," segir Pawel ennfremur í sömu grein. Hann leitaði til barnaverndaryfirvalda til að sjá hvar neyðin var stærst og komust hann og Bragi Guðbrandsson að að því að neyðin væri sem sé stærst þarna.

Ég hef ekkert út á Braga eða Barnaverndarstofu að setja en finnst þér ekki kæri lesandi að það sé eitthvað skrýtið í meðferðarúrræðunum í dag?